Mongkoking manah kulo dene taksih pinanggih Penjenengan ingkang mbabar Jawi saindenging Jagad. Nadyan taksih kathah priyagung Jawi ingkang dereng gumregah angleluri, yasan panjenengan punika dados coloking jagad kangge magertosi bilih Jawi punika Oboring Jagad. Titip atur kagem Bapak Hadi Wiratama saha Bapak Bagiono ingkang tansah nyengkuyung saha ngudi "BECIK SEJATINING BECIK".

---

Kidemang :

Matur nuwun Pak Sardjito, sampun sawatawis mboten pinanggih mugi rahayu, seger waras, sagung dumadi, waah saestu kathah bahan dudutan lan sumber informasi ingkang kula pendhet saking kapustakan panjenengan, nuwun.

Sugeng dalu Ki Demang,

Kula remen sanget, awit punika ingkang kula padosi. Kula saget maos lan nyerat kanthi Aksara Hanacaraka sanajan mboten lancar. Kula kepengen nyerat wonten ing buku tamu punika ngginakaken aksara Jawi nanging komputer kula namung saget nyerat aksara latin.

Salam taklim

Solichin Daniel

---

Kidemang :

Matur nuwun Mas Solichin Daniel,
Sawatawis pancen dereng saged nyerat Carakan amargi taksih perlu program bantu (software) ingkang taksih perlu kasampurnaaken, lan nengga wekdal badhe dipun gelar acara "Launching / Kepyakan" Carakan sampun resmi kadaftar ing Unicode Consortium, nuwun.

Matur nuwun Ki Demang sampun kersa nglestantunaken kabudayan saha kasusastran Jawi ingkang adiluhung supados mboten kasilep jaman globalisasi punika.

Kula minangka generasi mudha kepengin sanget tumut nguri uri sanadyan taksik nyamut2 pangertosan kula bab Basa Jawi

 

---

Kidemang :
Matur nuwun Mbak Michelia Rahmawati P, leres pamrayogi panjenengan, AAWK (Alon alon waton kelakon), nuwun

 

Alhamdulillah, Tegesipun Aksara Jawa punika sampun di akui kaliyan Dunia. Mugi-mugi inggih Katrima lan kathah ingkang bakal ngangge menopo maneh tiyang jawi piyambak. Sukur2 tiyang sanesipun.

Kulo kirang ngilmu babakan jawa, nanging kulo inggih tiyang jawa...

Kangge Rencang lan Adjisaka.com, monggo sareng nyaggah Kabudayan Jawi ingkang Adi Luhung.

Nuwun

---

Kidemang :

Matur nuwun Mas Zaini, salam saking Kidemang.

sae ki demang.....

mugi mugi anggenipun nyerat mawi carakan saged lumintu lan lestari....

---

Kidemang :

Matur nuwun Yu Senik, nyuwun pangapunten, panjenengan tamu nomor 1, ning telat mbalesi, lha wong sedayanipun taksih "uji coba" taksih kathah ingkang badhe kula serat ing situs menika, nuwun - salam saking Indonesia.